മുറ്റം
വീടിനും വഴിക്കുമിടയിലെ നേര്ത്ത രേഖ.
അമ്മയുടെ ചൂലിന്റ്റെ അതിര്.
പെങ്ങടെ സ്വാതന്ത്ര്യത്തിന്റ്റേയും.
വീട്
ചോരുന്ന മേല്ക്കൂരക്കീഴിലും
ചുമരിന് പ്രധാന്യം കിട്ടുന്ന ഇടം.
ശമ്പളം
കിട്ടും മുമ്പൊത്തിരി
കിട്ടുമ്പോള് ഇത്തിരി
അദ്ധ്വാനത്തിന്റിത്തരം
(അ)സാധാരണ രൂപം
പ്രണയം
ഭൂതകാലത്തില് നിന്നും
ഭാവിയിലേക്ക് പണിത പാലം.
ആകുലതളുടെ വര്ത്തമാനത്തെ
അത് തൊടുന്നേയില്ല.
പ്രണയശിഷ്ടം
ചോദിക്കാത്തതുകൊണ്ട്
കിട്ടാതെപോയ ഉമ്മകള്.
