Thursday, February 12, 2015

മരത്തിന്റെ കഥ


കാറ്റെഴുതിയ ആമുഖം

നിന്നേടത്തുനിന്ന്
ലോകം ചുറ്റിയ മരത്തിൽ
ദേശാടനത്തിന്റെ രഹസ്യങ്ങൾ കൂടുവയ്ക്കുന്നു.

ഒന്നാമദ്ധ്യായം: വിത്ത്
മണ്ണിനുമാത്രം വായിക്കാവുന്ന
ജലംകൊണ്ടു തെളിയുന്ന ഓർമ്മകൾ.

രണ്ടാമദ്ധ്യായം: വേര്
ആഴത്തിന്റെ രഹസ്യത്തെ
കെട്ടിപ്പുണരുന്ന ജീവിതം.

മൂന്നാമദ്ധ്യായം: പച്ച
സൗരമഞ്ഞയുടെ പ്രണയഗേഹം.

നാലാമദ്ധ്യായം: ഇല
ചിറകില്ലാത്തതെല്ലാം ചിതലെടുമെന്ന്
തിരിച്ചറിയുന്ന ഹേമസംക്രമം.

അഞ്ചാമദ്ധ്യായം: ഉടൽ
കാലം വളയിടുന്ന കാതൽ.

ആറാമദ്ധ്യായം: പൂവ്
വസന്തത്തിന്റെ രൂപകം.

ഏഴാമദ്ധ്യായം: കനി
വേനലുമ്മകൾ തുടുപ്പിച്ച മാംസം.

4 comments:

Pradeep Kumar said...

വായിച്ചു .....

Shahid Ibrahim said...

ആശംസകൾ

Salim kulukkallur said...

നന്നായി , ആശംസകള്‍ ..!

vishnu said...

Good wrk

Blog Archive